[스크랩] 9.28긴급메시지(짐승의표666)-사모아어

FA’AILOGA O LE MANU FEAI (666)
RFID

“Ua faia fo’I e ia ina ‘ ia faailogaina I latou I o latou lima taumatau, po’o o latou muaulu; ina ia le mafaia ona fa’atau mai pe fa’atau atu e se tasi, tau lava o e ua i ai le fa’ailoga, po o le igoa o le manu feai, aua o le faitau aofa’i lea o le tagata; o lona faitau aofa’i fo’i e 666” (Fa’aaliga 13:16-18)
666 O LE SISITEMA O LE MALO E TASI I LE LALOLAGI ATOA

I le vaitaimi nei, ua fa’ateteleina le fausiaina o sisitema fa’akomepiuta e fa’amaufa’ailogaina ai so’o se ituaiga mea lava. O tama’i chips komepiuta nei ua fa’aaogaina ai RFID (Leitio Fa’auaealesi Fa’amaumau) tenekelosi, ua mae’a ona tu’uina I totonu o le tele o mea fale alu I le uila, lafu manu fa’apea fo’I tagata ola. O nei mea ua fausiaina e le mo ni tulaga fa’asaienitisi mo le lumana’i, a ua uma ona fausia ma o lo’o iai I le lalolagi I le taimi nei. I le tele o itu o le lalolagi, ua fa’aaogaina nei e I latou ia microchips (VeriChip) nei a le Applied Digital Corporation e fesoasoani e sailia ai fofo mo le fa’ama’i o le alasaima (Alsheimer’s disease), ma’i o le mafaufau (mental illness), Suka (Diabetes), fa’afitauli o le fatu (heart problems) ma ua fa’aaogaina fo’i e fesoasoani i le fa’aitiitia o le solitulafono o le ave fa’agaoi (kidnapping). I se taimi i le lumana’i latamai, o le ituaiga biochip lenei o le a tele ina fa’aogaina ma taliaina ma fa’amautuina e nate fa’ailoa, leoleo, va’ava’aia, fa’amaufailogaina, fefa’atauaiga ma isi lava ona fa’aaogaina e le mafaitaulia.

O lona leaga, mai i le fa’aaogaina o nei biochips o le a fa’apea ona fa’amaumauina ai le tele o information/fa’amatalaga le ono fa’ailoa (personal) I totonu o se masini komepiuta fa’amaumau (database). O le a mata’ituina lou tino i au gaioiga uma lava. O le fa’aaogaina po’o le tu’uina o nei biochip fa’atenekelosi i totonu o lou tino o le a avea lea ma auala e ono suia ai ou foliga, mafaufau ae sili ai le suia o le tulaga o lou ola fa’aleagaga. O le fa’aaogaina o nei biochip mo le fa’amatagofieina o le tino, tulaga o le soifua maloloina, polokiti po’o aia tatau o le a alia’e ai se fa’afitauli pito sili lona leaga.

O lo’o galue Satani I le lalolagi e fa’agaioia tagata ma sosaiete ina ia fa’ataunu’uina ana fuafuaga. Silafia pe le silafiaina, o le a fa’amalosia e le AnitiKeriso tagata e mulimuli ma usita’ia ni fuafuaga o le a fa’amata mai e mo le lelei o ona tagata, ae leiloa o lo’o mulimuli atu i tala fa’asolopito o tagata soifua ma lona tete’e atu I le Atua, o lenei mea o le a o’o mai ai tiga ma puapuaga se’ia o’o I le toe afio mai o Keriso.
“ “… ia (auauna/sui o Satani) fa’asese foi i e ua nonofo i le laolagi ona o ia fa’ailoga ua tu’uina atu ia te ia nate faia i luma o le manu feai, o lo’o fai atu ia i e ua nonofo i le lalolagi latou te faia se fa’atagata o le manu feai e ona le manu’a i le pelu a ua ola. Ua tuuina atu foi ia te ia nate avatua le manava i le fa’atagata o le manu feai, ina ia tautala le fa’atagata o le manu feai, ma ia faia ina ia fasiotia i latou uma o e le ifo atu i le fa’atagata o le manu feai.” (Fa’aaliga13:14-15)

Ua lata mai le taimi e fa’apea ai ona mata’ituina ma pulea olaga o tagata soifua e ala I le va’ava’aia, fa’amatala auiliili ma fuaina e ala I komepiuta. I lona taimi lea, so’o se tasi e nate le taliaina lenei sisitema o le a fa’apuapuagaina ma fasiotia.



FAUSIAINA O SE SOSAIETE E LEAI SE MEA E TOE LILO


O lo’o tatou aga’i atu nei i se sosaiete e le toe iai se mea e toe lilo, e mafaia ai e tagata mai so’o se la’asaga o le olaga ona ia maua le fa’atagana e iloa ai so’o se mea lava mai so’o se vaega o le lalolagi I so’o se taimi tusa lava po’o i fea o iai. O le mafua’aga o nei fausiaga ona o se talitonuga o le a o tatou maua ai se olaga saogalemu, faigofie, tamaoaiga ma le manaia e ala I le fa’aaogaina o tenekelosi e fuafuaina tulaga uma o le olaga I aso ta’itasi. I le iai I totonu o se sosaiete o lo’o momo’o I le okometi ona fuafua tulaga tau tupe, vave tulaga tau feso’ota’iga ma le leoleoina, e le’o mamao tele mo le RFID biochip le tulaga o lona fa’aogaina e tu’uina I totonu o le tino ma i’u ai lava ina sui tulaga I le fa’aogaina o tupe aua e faigofie ona gaoia, leiloloa pe gagaina fo’i. I le lumana’i latamai:

1) O le a fa’amalosia le tofu o tagata uma ma le biochip. O tulaga uma tau tupe o le a fa’aogaina lenei chip e suia’i le tulaga o lo’o faia i fefa’ataua’iga I le taimi nei..
2) O le a osofa’ia aia tutasi/ma’oti a le tagata lava ia ma o le a le toe iai fo’i se filemu e maua.
3) O le a pulea le lalolagi atoa e se ta’ita’i mata e tausa’afia ona uiga, o le AnitiKeriso lea. O le a ia pulea e ala I le fa’aogaina o se sisitema e mafai ona feso’ota’i ai mea uma.

FA’AILOGA O LE MANU FEA’I I TOTONU O LE TINO, E LE TATAU ONA TALIAINA. (FA’AALIGA 14:9&11; 16:2)

1. le taliaina o lenei fa’ailoga o se gaioiga e le mafai ona toe fa’aliliuina lea, o le faailoga lea o le fa’atauatu o lou agaga ia Satani. O lenei agasala e le mafai ona toe fa’amagaloina (Faaaliga. 14:9-11). O lou agaga e ou e le Atua lea. O lea e mafua ai a fai e te taliaina lenei fa’ailoga, o lona uiga ua ou oe e Satani.

2. A fai e te taliaina lenei fa’ailoga o lona uiga ua tu’u uma lou fa’atuatuaga i le tagata ae le’o le Atua. Ua e fa’atinoina se filifiliga e soifua e aunoa ma se Atua alofa o le o lo’o momo’o mai e mafuta fa’avavau ma oe i le Lagi. E “le” finagalo le Atua e te filifilia le ala i Seoli/Fa’afanoga e fa’avavau. Ua loa ona silafia e le Atua nei mea uma ae ona o lona alofa ia tei tatou ma lona mana’o ia fa’ailoa mai nei mea, o lea na ia fa’aalia mai ai ia’i tatou e ala i tusitusiga a le aposetolo o Ioane i totonu o le tusi a Fa’aaliga pe a ma le tausaga 100AD. Afai e te le alu a’e i le lagi i le taimi o le si’itiaga ae tu’ua oe i lenei lalolagi e feagai ma le vaitaimi o puapuaga tele, e matua le tatau lava ia te oe ona e taliaina le fa’ailoga o le manu feai tusa pe o le a fa’apologaina oe ma fasiotia ona o le le taliaina o faiga fa’amalosi a le malo a Satani. E ao ia te oe ona e manatuaina lenei mea i taimi uma aua o le fa’amoemoega mo le lagi e tumau pea se’ia o’o mai le i’uga o mea uma lava.


UA E TALIAINA EA IESU E FAI MA OU FA’AOLA?



Aua ua agasala tagata uma lava, ma ua le o’o i le viiga mai le Atua. (Roma 3:23)
E le na’o tupe mea uma. E le mafai e se tagata ona alu atu i le Atua e ala i le talitonu i ni isi lava atua ese, amio lelei, iloa ona pulea lona tagata po’o ni ana galuega lelei. Ua na’o le mafutaga vavalalata a le tagata lava ia ma Iesu Keriso e mafai ai ona tu le tagata ma le amiotonu i luma o le Atua Paia i le i’uga o lona olaga. O le mafua’aga lea na puapuaga ai Iesu Keriso i luga o le satauro, fa’amaligiina lona toto, fasiotia ma toetu mai. Na fa’ataunu’uina nei mea ina ia fa’ailoa ai le naunau, o lona mafaia ma le mamalu o le Atua ina ia fa’aolaina ma lavea’ina le tagata mai le agasala ma le oti.

“O a’u nei le Ala, Upu Moni ma le Ola, e le alu atu lava se tasi i le Tama pe a le ui mai ia te A’u. (Ioane 14:6)
A fai e te ta’utino i lou gutu i le Alii o Iesu, ma talitonu i lou loto ua toe fa’atuina mai o Ia e le Atua nai e ua oti, e fa’aolaina ai oe; aua o le loto e talitonu ai, e oo mai ai le amiotonu; a o le gutu e ta’utino ai, e o’o mai ai le ola. . (Roma 10:9-10)
E ao ona e talitonu ia Iesu ma na maliu o Ia mo au agasala. E alofa Iesu ia te oe.
Aua ua fa’apea lava ona alofa mai o le Atua i le lalolagi, ua ia aumai ai lona Atalii e to’atasi, ina ia le fano se tasi e fa’atuatua ia te Ia a ia maua e ia le ola e fa’avavau.. (Ioane 3:16)
Ia e silafiaina o oe o le tagata agasala ma e ao ona e tatalo e ala i le fa’atuatua. E mo’omia lou taliaina o Iesu e fai ma ou fa’aola. E moni ma fa’amaoni e iai le Lagi e iai fo’i Seoli. Ua na’o Iesu lava le ala i le AGI.

UA LATA LE AFIO MAI O IESU, SAUNIUNI MO LE SI’ITIAGA

O Iesu, le na togiola ina i tatou e ala i le satauro o le a ia saunia se nofoaga ma o le ia toe fo’i mai e mau fa’atasi ma’i taua. Ua uma ona ia folafolaina mai ia te’i tatou lea tulaga.(Ioane 14:3). O le si’itiaga e muamua mai, ona o’o ai lea i le vaitaimi o le Puapuaga Tele (Fa’aaliga 3:10). Na fetalai mai Iesu, “ua outou iloa ona matauina amio a le lagi, a o fa’ailoga o tausaga tou te le mafaia. (Mataio 16:3; Luka 12:56).

LE AU PAIA PELE UMA IA IESU KERISO


O le si’itiaga ua fa’aonaona/na’o mo le au paia o e o le a si’itia a’e i luga o le ea i le taimi e lagona ai le leo o le pu o le vala’au a le Atua, o le au paia o e o le a si’itiaina o le a o a’e i luga o le ea e fetaia’i ma Iesu Keriso i ao o le vanimonimo (1 Tesalonia 4:16-17). O le si’itiaga ua na’o mo tagata talitonu ua fa’aofuina i latou i ofu papa’e fa’aleagaga. O o latou tino fa’aletino o le a liua i ni tino pupula matagofie ma o le a fai ma mea matagofie ma le malie i luma o le Atua. (Fa’aaliga 19:7-8).
A fai e te tumau pea o se kerisiano o fa’aleogalua lou fa’atuatua, o le a fa’apea ona lua’iina mai oe i fafo e Iesu o lea e ao ai ona aua ne’i avea oe o se kerisiano fa’apena. (Fa’aaliga 3:16). O le afio mai muamua o Iesu sa ia sau ai e aumai le fa’aolataga, ma o lona toe afio mai o le fa’afeiloai’a lea o e uma ua saunia ma fa’atalitali i ao o le vanimonimo i le leo o le pu, o lea tulaga e ta’ua o le Si’itiaga. O le a avea e le Ali’i o Iesu lana fanau fa’atasi ma ia i le Lagi. Pe a mae’a le vaitaimi o Puapuaga Tele i luga o le lalolagi, o le a toe fo’i mai ai o Ia i le lalolagi fa’atasi ma i latou na si’itiaina fa’atasi ma ia i le Lagi/Ierusalema Fou, o lea tulaga e ta’ua o lona toe afio fa’alua mai. Aua se a ea so matou faamoemoe, ma se fiafia, ma se pale e mitamita ai? E le’o outou ea i luma o lo tatou Alii o Iesu Keriso, i lona afio mai? (1 Tesalonia 2:19)

I le toe afio mai o Iesu, ua na’o le aupaia mai le si’itiaga o le a fa’ailoaina/auina atu i luma o le nofoali’i mamalu. (1 Korinito 15:49-55). Tusa pe tatou te le iloa le aso ma le taimi o lona afio mai, o atali’i/afafine o le malamalama outou ae le’o le pouliuli o lea e le o’o mai ai lea aso ia te outou e pei o se gaoi (1 Tesalonia 5:4-5). Aua ne’i avea outou ma ni tagata talitonu fa’aleogalua, aua fo’i le momoe ae ia mataala ma tatalo (1 Tesalonia 5:1-4). O lea fo’i e ao ai ia te oe ona ia e manatua mea ua e maua ma ua e fa’alogo iai, ma ia e taofi mau ai, ma ia e salamo. Afai foi e te le mataala, ou te alu atu ia te oe e pei o se gaoi, e te le iloa foi le itu aso ou te alu atu ai ia te oe. (Fa’aaliga 3:3). O i latou o e o lo’o fa’atuatua fa’aleogalua, i latou o lo’o pipi’i atu pea i le lalolagi, ma i latou o e le iloa Iesu o le a tu’ua i latou uma na i lenei lalolagi e fetaia’i ma vaitami o Puapuaga Tele pe a mae’a le si’itiaga. O le vaitaimi o Puapuaga Tele o se vaitaimi mata’utia lea i talafa’asolopito uma o le olaga o tagata soifua. Mo i latou uma o e ua tu’ua ma ola i le vaitaimi lea o Puapuaga Tele ia ‘aua ne’i outou taliaina le biochip (fa’ailogaina ai le igoa o Satani) i totonu o outou tino (mua ulu po’o le lima taumatau; Fa’aaliga 13:16, 20:4) tusa pe ono fa’aumatia ai lou soifua. O Kerisiano uma e pule i o latou ola o le a nonofo e fa’avavau i Seoli. Mai i le le taliaina o lenei chip, o le a fa’atigaina ina oe ma fasiotia. Mo i latou uma o e le talitonu (nonchristian) e le gata e ao ona aua ne’i e taliaina lenei chip a e tatau fo’i ona e ta’uta’u ma taliaina Iesu o lou Ali’i ma le Fa’aola i ou lau-gutu, tatalo mo le fa’amagaloga o au agasala ma talitonu i lou loto o Ia lava o le Atali’i o le Atua ma na ia maliu mo i tatou. Amene.

The Mark of The Beast (666) in Samoan.hwp

 

출처 : 천국은 확실히 있다

글쓴이 : goldface 원글보기

메모 :